QABR SE BAALI SAKINA KI SADA YOUN AAE
DEKH LUN PHIR SE ME EK BAAR RUKO TO BHAI
SAB CHALE JAATE HAIN KAATE GI MUJHE TANHAI
MOUT PARDES ME JO DOOR WATAN SE AAE
AB NA PHIR ROONE KI TALQEEN SUNAATE JAO
AKHIRI BAAR MUJHE SEENE LAGAATE JAO
MERE BHAI SAJJAD !
PHIR SE EK BAAR ZARA SAR PE MERE HATH DHARO
DAM KARO NAAD E ALI SOORA E ALHAMD PARHO
CHOR KAR MUJHKO SAWARI KI YOUN JAANIB NA BARHO
AAJ RUK JAO KHUDARA NAHI NAAQE PE CHARHO
KIA GUZARTI HAI MERE DIL PE KHABAR LO BHAIYYA
BAAD BABA KE TUMHI MERE PIDAR HO BHAIYYA
MERE BHAI SAJJAD!
ARBAEEN KARNA HAI MUJHKO BHI MERE BABA KA
LE CHALO SATH ZIYARAT KE LIE KARBOBALA
LOG AAINGE WAHAN DENE MUJHE BHI PURSA
QABR E ASGHAR PE MUSIBAT KA PARHUNGI NOHA
ZAKHM SAARE ME CHACHA JAAN KO DIKHLAOUNGI
SHIMR NE MAARA MUJHE BABA KO BATLAOUNGI
MERE BHAI SAJJAD!
BAN ME AWAAZ ME DETI RAHI AKBAR AKBAR
MUJHKO CHURWAO MUSALMANO SE BHAIYA AAKAR
JIS SINA PAR THA UTHA MERE CHACHA JAAN KA SAR
DHOOP ME BETH GAE USKI ME CHAO LE KAR
DURRA IS JURM ME ZAALIM NE LAGAYA MUJHKO
MENE HAR EK TAMACHE PE BULAYA TUJHKO
MERE BHAI SAJJAD!
APNE CHEHRE SE ME LAGTI HUN SHABIHE ZEHRA
BAAT KARNE ME BHI AB AATI HAI LUKNAT BABA
EK TAMACHE PE THA DANDAAN JO MERA TOOTA
NEEL HATHO ME TO PAIRO ME WARAM BHI AAYA
BOJH BEEMAR KAHAN MERA UTHA PAATA THA
NATAWAAN KHATA THA THOKAR KABHI GIR JAATA THA
MERE BHAI SAJJAD!
PAAS DARBAAR ME ZAALIM NE MUJHE BULWAYA
SAMNE EK MERE TASHT GAYA RAKHWAYA
BOLA KIA LAADLI NE SHEH KI HAI KHURMA KHAYA
TASHT SE PHIR WO JO ROOMAL GAYA HATWAYA
TERA KAATA HUA SAR BABA WAHAN RAKHA THA
ROOTI JAATI THI ME WO MUJH PE KHARA HANSTA THA
MERE BHAI SAJJAD!
ZALZALA QABR ME ZAINDAAN KI FIZA HAI PURNAM
BINA ZANJEER HI ABID BANDHE UTHTE QADAM
AISE MEHSOOS HUA GOOYA SAKINA US DAM
WASTA DETI HAI BABA KA KABHI MAA KI QASAM
JAATE JAATE DAR E ZAINDAAN SE ACHANAK PALTE
BEHEN KI QABR SE EK BAAR WO PHIR SE LIPTE
MERE BHAI SAJJAD!
TAN SE ATHARA KE ABAD HUI KARBOBALA
SATH BETO KE BAQAIYYA ME RAHAINGI ZEHRA
TOOS ME HUNGE RAZA SATH BEHEN MASOOMA
HOGA BAGHDAD ME KAZIM WA TAQI KA ROZA
CHOR KE TANHA SAKINA NA YAHAN JAINGI
APKE SHEHR ME REHNE KO PHUPI AAINGI