Paralko Tyandro (परालको त्यान्द्रो) Lyrics – Melina Rai

परालको त्यान्द्रो
परालको त्यान्द्रो हो, म
परालको त्यान्द्रो
हलीदाइकै पसीनाको थोपाको पनि एक थोपा ।
परालको त्यान्द्रो हो, म
परालको त्यान्द्रो

बढेँ म, हुर्के म
हेरचाहमा उसकै ।
बढेँ म, हुर्के म
हेरचाहमा उसकै ।

सम्झना छ अझै मलाई
गोडमेल गरेको त्यो दिन
गीत उसले गाएको

“मेरो ‘माया’ छ भने त्यता
पानी खाने निहुँ गरी आऊ यता !”

आज हलीदाइ दयँरा बने
आज हलीदाइ दयँरा बने
‘अहहह माले !’ भन्दै उनले
खलामा दाइँ हाले ।

मेयोको वरिपरि रिङ्गिएर घुम्ने गोरुहरूले
बेसरी मलाई माडे, नङ्ग्याए पनि मलाई।
फलत: परिणत भएँ म
त्यान्द्रोमा त्यान्द्रोमा ।

तर म बग्छु पानीमा
पुतलीको डुङ्गा झैँ सललल,
म उड्छु हावामा
चङ्गाको पुच्छर झैँ फररर।

अनि कहिलेकाँही साँझपख
बूढाबूढीदेखिन् केटाकेटीसम्मलाई तर्साउन
सर्प झैँ सुतिरहन्छु
बाटोमा बाटोमा।

तर, अपसोच !
वास्तवमा म केही पनि होइन
सिवाय परालको त्यान्द्रो !

बोलेँ जे जति मैले
त्यो त मेरो निम्ती
मलाई माया गरी
बोलिदिएका हुन् मेरा कविले ।

किनभने मेरो त
न मुख छ नत मुटु नै
न मुख छ नत मुटु नै !

परालको त्यान्द्रो परालको त्यान्द्रो
परालको त्यान्द्रो हो, म
परालको त्यान्द्रो
परालको त्यान्द्रो हो, म
परालको त्यान्द्रो